‘कवि और कविता (http://कवि और कविता) श्रृंखला में डॉ. प्रेरणा उबाळे की मराठी कविता “नुसतं डोळ्यांत पाहून” …
● नुसतं डोळ्यांत पाहून…. – डॉ. प्रेरणा उबाळे
मनातलं ओळखण्यासाठी
झिरपावं लागतं मनात
कारण डोळ्यांत डोळे घालून खोटे बोलणारे
असतात अधिक
म्हणून
नुसतं डोळ्यांत पाहून मनातलं ओळखता येत
नसतं
मनातलं ओळखण्यासाठी
झिरपावं लागतं शब्दा-शब्दातल्या भावनेत
कारण गोड-गोड बोलत
केसाने गळा कापणारे असतात अधिक
म्हणून
नुसतं डोळ्यांत पाहून मनातलं ओळखता येत
नसतं
मनातलं ओळखण्यासाठी
झिरपावं लागतं वागण्या-बोलण्यात
कारण ठरवून-उमजून
पाठीत खंजीर खुपसणारे असतात अधिक
म्हणून
नुसतं डोळ्यांत पाहून मनातलं ओळखता येत
नसतं
तुझ्या डोळ्यांनी शिकावी
आता जगाच्या डोळ्यांची भाषा
ओळखावा- पारखावा विश्वास
जाणून घ्यावं प्रेम
ओढ किती मायेची
होऊन शहाणं
रुक्ष डोळ्यांनी
व्हावे पुन्हा वृक्ष
म्हणेल मग जग
नुसतं डोळ्यांत पाहून कळतं सारं
नुसतं डोळ्यांत पाहून कळतं सारं … – डॉ. प्रेरणा उबाळे (09 जून 2024)
डॉ. प्रेरणा उबाळे (लेखिका, कवयित्री, अनुवादक, सहायक प्राध्यापक, हिंदी विभागाध्यक्षा, मॉडर्न कला, विज्ञान और वाणिज्य महाविद्यालय (स्वायत), शिवाजीनगर पुणे-411005, महाराष्ट्र)
खूप सुंदर प्रस्तुति